ҰҚК қақпаны: Экстремизмге қатысы бар бес адам ұсталды

Алматы қаласында, Алматы және Ұлытау облыстарында экстремизмге қатысы бар деген күдікпен 5 азамат ұсталды, деп хабарлайды Orda.kz.

Ұлттық қауіпсіздік комитетінің мәліметінше, арнайы қызмет 7 қараша күні күдіктілерді діни-экстремистік әрекеттерді ұйымдастырды деген күдікпен ұстаған. Сонымен қатар, тағы 17 азаматтан тыйым салынған ұйымға қатысы бар болуы мүмкін деген негізбен елден кетпеу туралы қолхат алынған.

Тінту барысында күдіктілерден діни әдебиеттер тәркіленді. Сонымен қатар, олардың кейбірі бұған дейін экстремистік қылмыс жасағаны үшін сотталған. Тағы 9 адамға тыйым салынған ұйымның қызметіне қатысуға жол бермеу туралы ресми ескерту жасалған.

Қазіргі уақытта тергеу жалғасуда, күдіктілер бас бостандығынан айырылуы мүмкін.