«ҰҚК-ға айып тағылды»: Қырғыз спортшысы қысым көрді ме?

Қазақстанның Ұлттық қауіпсіздік комитеті Қырғызстан көкпар құрамасының ойыншысы тарапынан жасалған айыптауларды жоққа шығарды, деп хабарлайды Orda.kz.

«2024 жылғы 12 қыркүйекте БАҚ пен әлеуметтік желілерде Қырғызстанның көкпар құрамасының ойыншысына ҰҚК қызметкері тарапынан қысым жасалғаны туралы ақпарат таралды. Бұл ақпарат шындыққа жанаспайды»,  делінген комитеттің баспасөз қызметінің хабарламасында.

ҰҚК қызметкерлері көшпенділер ойындары кезінде қоғамдық тәртіпті қамтамасыз етуге қатыспағаны да айтылды.

Бұған дейін Қырғызстан жанкүйерлері Астанадағы көкпар төрелігіне наразылық білдірген болатын. Сондай-ақ, Қырғызстанның көк-бөрі федерациясы Қазақстан құрамасының нәтижесіне байланысты шағым түсіргені туралы хабарланды.