ҰҚК енді Назарбаевтың қауіпсіздігін қамтамасыз етпейді

Тұңғыш президент Нұрсұлтан Назарбаевтың қауіпсіздігі Қазақстанның Ұлттық қауіпсіздік комитеті жауапкершілігінен алынады.

«Қазақстан Республикасы Президентінің кейбір жарлықтарына енгізіліп жатқан қосымша өзгерістер мен толықтырулар бекітілсін» делінген президент Тоқаевтың Жарлығы жобасында.

Ұлттық қауіпсіздік комитеті туралы ереже функцияларын жетілдіру, арнаулы мемлекеттік орган қызметкерінің ант беру мәтініне және оны қабылдау қағидаларына өзгерістер мен толықтырулар енгізу жоспарлануда.

Қазақстан Республикасының Тұңғыш Президенті – Елбасының қауіпсіздігін Ұлттық қауіпсіздік комитеті міндеттерінен алып тастап, Қазақстан Республикасы Президентінің қауіпсіздігін қалдыру жоспарлануда.

«Қазақстан Республикасының Тұңғыш Президенті – Елбасы туралы» Қазақстан Республикасы Конституциялық заңының күші жойылды деп тану туралы» 2023 жылғы 13 ақпандағы Қазақстан Республикасы Конституциялық заңымен Қазақстан 2000 жылғы 28 шілдедегі «Қазақстан Республикасының Тұңғыш Президенті – Елбасы туралы» заңының күші жойылды.