ҰҚК бірнеше өңірде арнайы операция жүргізді

Ұлттық қауіпсіздік комитетінің қызметкерлері прокуратура мен полициядағы әріптестерімен бірлесіп Ақмола облысының Целиноград ауданында ірі есірткі зертханасын тапты.

«Психотроптық заттарды дайындады және сатты» деген күдікпен үш азамат Астана және Ақтөбе қалаларында ұсталды.

«Тінту кезінде 40 келі синтетикалық есірткі, 7 тоннадан астам прекурсорлар мен зертханалық жабдықтар табылып, тәркіленді» деп хабарлады Ұлттық қауіпсіздік комитеті.

Қылмыстық кодекстің 297-бабының 3-бөлігі бойынша сотқа дейінгі тергеу амалдары жүргізілуде.

Соттың санкциясымен ұсталған тұлғаларға қамауға алу түріндегі бұлтартпау шарасы қолданылды.