Ұйымдастырушылар уақыт белдеуін қайтару туралы шеруді тоқтатты

Ұйымдастырушылар уақытты қайтару туралы шеруден бас тартты, деп хабарлайды Orda.kz.

Өскеменде белсенділер әкімдікпен келісіп, 14 наурыз күні уақыт белдеуін кері қайтару туралы бейбіт шеру өткізуді жоспарлаған болатын. Алайда блогер Александра Осипова өзінің Instagram желісінде шерудің болмайтынын хабарлады.

Бас тарту себебі белсенділер шеруге тек 99 адамды ғана бекіткен, алайда шеруге қосылуға ниеттенгендердің саны көбейіп, ұйымдастырушылар 2022 жылдың қаңтар айындағы оқиғалар қайталанады деп қорқады.

«Мен үшін ең бастысы – сіздердің қауіпсіздіктеріңіз. Алайда, қазіргі жағдайда мен оған кепілдік бере алмаймын. Мен арандатушылық немесе күтпеген жағдайлар бола қалса адамдарды қорғауға дайын емеспін» деп жазды Осипова.

Блогер жазбасының пікірлер бөлімінде жұрт оған наразылық білдіріп,  кей оқырмандар оны қыспаққа алуы мүмкін екенін де жазған.