Ұйымдасқан қылмыстық топтың мүшесі Ресейден табылды

Бас прокуратура ұйымдасқан қылмыстық топтың мүшесін Ресей Федерациясынан экстрадициялады, деп хабарлайды Orda.kz.

Бас прокуратураның мәліметінше, бұрын сотталғандардан құралған бұл топ 2022-2023 жылдар аралығында Жамбыл облысының кәсіпкерлері мен тұрғындарына күш қолданып, бопсалаумен айналысқан. 

Ұйымдасқан қылмыстық топтың жетекшісі мен мүшелері қазіргі таңда әртүрлі мерзімге бас бостандығынан айырылды. Ал Ресейде ұсталған күдікті ізін жасырып қалған. Соған байланысты халықаралық іздеу жарияланған. 
2024 жылдың тамыз айында ол Ресей Федерациясының Амур облысында ұсталды. Қазір күдікті тергеу изоляторына қамалды.

Күдіктінің мүлкi тәркiленiп, жетi жылдан он бес жылға дейiн бас бостандығынан айырылуы мүмкін.