Ұйықтатамын мен сені: Жас Ұлан мектептерінің бірінде әскери оқушыны ұрды

Желіде әскеридің мектеп оқушысына қол көтерген видеосы тарады, деп хабарлайды Orda.kz.

Журналист Руслан Өтепбайдың инстаграм парақшасында Жас ұлан мектептерінің бірінде әскери оқушыға қол көтерген бейнебаян тарады.

«Өмір бақи ұйықтап жүресің, ұйықтатамын мен сені»,  дейді әскери бейнебаянда

Журналист оқушының ата-анасына құзырлы органдарға арыз жазуға кеңес берді.

«Видеодағы оқушының ата-анасы дереу құзырлы органға арыз жазыңыздар, адамның ең жанды жері желкеден ұрғанды көрсетіңіздер», деп жазды Руслан Өтепбай.

Ал адвокат Инга Иманбай болған оқиға қатысты әскери тек сөгіс алған дейді.

«Жуырда “Жас Ұлан” мектептерінің бірінде болған оқиға. Видеодағы оқушыға қол көтерген әскери тек сөгіс алған дейді. Сұмдық қой. Ал енді Ербаянның өзі құлап төсек тартып қалғанына кім сенеді?! Әділ тергеу, ашық сот талап етеміз. Әскерде тәртіп орнататын уақыт жетті!» деп жазды адвокат.