«Ұйқыдағы қызды күйдірген оқушылар»: Қостанайда жантүршігерлік ойын сотта қаралды

Қостанай облысының Лисаков қалалық сотында оқушылар арасындағы болған аяусыз іс-әрекеттер қаралды, деп хабарлайды Orda.kz. 

Сот мәліметінше, сәуір айында кәмелетке толмаған екі оқушы Лисаков қаласындағы пәтерлердің бірінде тамақ дайындауға арналған металл қалақты газ плитасына қыздырып, ұйықтап жатқан қыздың денесіне басқан. Оның сол жақ бетін, оң аяғын және сол қолын қасақана күйдірген. Кәмелет жасына толмағандар қыздың денсаулығына зиян келтіріп, моральдық азап тарттырғаны анықталды. 

Сот шешімімен айыпталушылардың ата-аналары ата-аналық міндеттерін орындамағаны үшін әкімшілік жауапкершілікке тартылды. Әрі 1 млн теңге моральдық зиян өтелуі керек. Сот қаулылары заңды күшіне енді.

Айта кетейік, Павлодарда анасы терезеден лақтырған сәбидің бүйрегі алынып тасталды.