Ұйғыр ауданында сібір жарасына шалдыққандар Алматыда емделіп жатыр

Ұйғыр ауданы Үлкен Ақсу ауылында сібір жарасынан зардап шеккен екі адам Алматы ауруханасында емделіп жатыр, деп хабарлайды Orda.kz KazTag-қа сілтеме жасап.

«Алматыда И.С. Жекенов атындағы қалалық клиникалық жұқпалы аурулар ауруханасына 29 тамызда сібір жарасы күдігімен екі науқас түсті»,  деп жауап берді денсаулық сақтау басқармасы. 

Науқастардың сараптамалары «ұлттық сараптама орталығына» жіберіліп, сібір жарасы диагнозы расталды.

Қазіргі таңда олар сібір жарасын емдеу хаттамасына сәйкес емделіп жатыр. Бөлімше пациенттердің жағдайы орташа және тұрақты деп жауап берді. Дәрігерлер науқастардың денсаулығы жақсы деген  болжам айтты.