Уэльспен өтетін матчқа қатысатын Қазақстан құрамасының бастапқы құрамы белгілі болды

Football365.com сайты 2026 жылғы футбол бойынша әлем чемпионатының іріктеу турнирінде Уэльспен өтетін матчқа Қазақстан құрамасының бастапқы болжамды құрамы қандай болатынын жарялады, деп хабарлайды Orda.kz.   

Дереккөздің болжамынша, Әли Әлиев алғашқы минуттардан бастап келесі футболшыларды алаңға шығарады: Покатилов - Астанов, Қасым, Әліп, Вороговский - Чесноков, Тапалов, Тағыберген, Самородов - Жақсылықов, Айымбетов. Бұған дейін Әлібек Қасым жарақат алғандықтан алдағы матчқа қатыспайтыны белгілі болған.

Уэльс - Қазақстан матчы 22-23 наурызға қараған түні Кардиффте өтеді. Еске салайық, Әлем чемпионаты – 2026-ге іріктеуге дайындық аясында Қазақстан құрамасы үш бақылау матчын өткізді: өзбекстандық «Локомотивпен» тең ойын (1:1), Солтүстік Корея құрамасынан жеңіліп қалды (0:2) және Кюрасао құрамасын жеңді (2:0).

20 наурызда Қазақстан құрамасы футболдан Әлем чемпионаты – 2026-ге іріктеудің алғашқы матчына аттанғаны хабарланды.

Уэльс - Қазақстан матчының тікелей көрсетілімін «Qazsport» телеарнасы ұйымдастырады.