Ұялы байланыс сим-картасы сатылымына жаңа шектеу

Цифрлық даму министрлігі жеке адам мен заңды тұлғаға сатылатын сим-карта санына шектеу қоюды жоспарлап отыр, деп хабарлайды Orda.kz. 

Бұл туралы парламент мәжілісі отырысында вице-министр Асхат Оразбек мәлімдеді. Оның  айтуынша, ұсынылып отырған шектеулердің басты мақсаты алаяқтармен күрес. Азаматтар ұялы немесе қалалық телефон нөмірін eGov mobile қосымшасынан немесе электронды үкімет порталынан ала алады.

«Қазіргі таңда осындай алаяқтардың әлеуметтік желілердегі жұмысы қызу өсіп кеткен. Оның ішінде WhatsApp-ты қолданады. Бірақ WhatsApp байланыс операторларын бұғаттай алмайды. Сондықтан нөмірлерді мемлекетке қайтару туралы бастама көтереміз», — деді Оразбек.

Енді министірлік ұсынысы қабылданса, бір адам 10 сим-карта ғана ала -алады. Сонымен қатар, заңды тұлға әр нөмірді не үшін пайдаланатынын түсіндіруі керек.