UFC файтері Рахмоновтың отбасындағы жол апатын сөз етті

UFC жұлдызы, америкалық файтер Шон Брэдидің тобы қазақстандық Шавкат Рахмоновтың әйелі мен баласының жол апатына ұшырағанын талқылады, деп хабарлайды Orda.kz.

Брэдидің командасы жекпе-жекке ықтимал қарсыластарды сөз етті. Бір сәтте әңгіме Рахмоновқа ауысып, оның отбасындағы жағдай қозғалды.

«Брэди жекпе-жекке дайын. Ол төбелесуі керек. Ол үздік бестіктен кез келген адаммен жекпе-жекке шығуды сұрады. Камара Усман ұсынылды. Ал Шавкаттың отбасындағы жағдайды көрдіңіздер. Менің білуімше, оның отбасында жол апаты болды. Тағы кім қалды? Гарри де бар, бірақ ол ақшаға және жалпы кез келген нәрсеге шағымдана береді», – деді Брэдидің тобы.

Айта кетейік, тамыз айының басында Жамбыл облысы Мойынқұм ауданындағы тасжолда Шавкат Рахмоновтың жұбайы қатысқан жол апатынан екі адам қаза тапқан еді.