«Үздік YouTube арнасы» мен «Үздік подкаст» үшін марапат беріледі

Еліміздің Ақпарат және қоғамдық даму министрлігі Astana Media Week, New Media Forum және «Үркер» телевизиялық сыйлығын біріктіруді, сондай-ақ оған екі жаңа номинацияны қосуды жоспарлап отыр.

Мұндай жаңалықтарды кеше Қонаев қаласында Түркітілдес журналистер қорының ұйымдастыруымен өткен І Халықаралық БАҚ және туризм форумында ҚР Ақпарат және әлеуметтік даму министрі Дархан Қыдырәлі мәлімдеді.

«Қыркүйек айында біз Astana Media Week, New Media Forum және Urker TV сыйлығын біріктіруді жоспарлап отырмыз. Биыл Үркер ұлттық марапатында екі жаңа номинацияны қосамыз, ол: «Үздік youtube арнасы» және «Үздік подкаст». Бұл саланың дамуына серпін беріп, түркі әлемін жақындастырады деп ойлаймыз», - деді министр.

ТМД елдері арасында алғаш рет қабылданған «Онлайн платформалар және интернет-жарнама туралы» заң жасанды интеллект қажеттілігін реттеп, бұл саладағы олқылықтардың орнын толтыратынын айтты. Қыдырәлі Қазақстанда шығармашылық индустрияны дамыту бағытында да біршама жұмыстар жүргізіліп жатқанын атап өтті.

Еске салсақ, Астанада биыл күзде Astana Media Week, New Media форумдары, сондай-ақ баспа, радио, интернет-журналистика саласындағы Ұлттық «Үркер-2023» сыйлығы жеңімпаздары анықталады.