Үздік әйел жобасы байқауының жеңімпаздары Тоқаевтың қолынан сыйлық алды

Қазақстан Президенті  барша әйелдерді 8 наурыз мерекесімен құттықтап, олардың қоғам өміріндегі алар орны ерекше екенін атап өтті.

— Қазіргі таңда қыздарымыз әлемнің үздік университеттерінде білім алып, ірі жаһандық компанияларда жұмыс істеуде. Көптеген мамандықтарды игерген қыз-келіншектер түрлі салада табысты еңбек етуде. Олардың қатарында ұстаздар, дәрігерлер, мемлекеттік қызметкерлер, тәрбиешілер, тігіншілер, басқа да мамандық өкілдері бар. Біздің тамаша спортшы қыздарымыз халықаралық жарыстарда табысты өнер көрсетуде. Көптеген әйелдер бизнесте жетістікке жетіп, мыңдаған адамды жұмыспен қамтып отыр. Мен бәріңізбен мақтанамын! Сіздерге шын жүректен рахмет, - деді Қасым-Жомарт Тоқаев.

Президент «Аруана» байқауының  жеңімпаздарын марапаттады. Түрлі салада әлеуметтік маңызы бар жобаларды жүзеге асырып, азаматтық қоғамның дамуына зор үлес қосып жүрген іскер әйлдер он аталым бойша марапатталды.

• «Агробизнес саласындағы үздік жоба» номинациясы бойынша – Акшалова Айгүл Сағымбекқызы;

• «Үздік IT-жоба» номинациясы бойынша – Ақшолақова Фарида Амантайқызы;

• «Шығармашылық индустрия саласындағы үздік жоба» номинациясы бойынша – Салихова Сәуле Халелқызы;

• «Жаңа медиа саласындағы үздік жоба» номинациясы бойынша – Нұрғалиева Әсем Болатжанқызы;

• «Әйелдер мен балалардың құқықтарын қорғау саласындағы үздік жоба» номинациясы бойынша – Басенова Несібелі Зариванқызы;

• «Инклюзивті даму саласындағы үздік жоба» номинациясы бойынша - Әлімжанова Арайлым Мағашқызы;

• «Ғылым және инновация саласындағы үздік жоба» номинациясы бойынша – Деркач Марина Владимировна;

• «Әйелдер мен балалардың белсенді құқық қорғаушысы» номинациясы бойынша – Рақышева Ләззат Бекмұханбетқызы;

• «Үздік әйел – кәсіпорын басшысы» номинациясы бойынша - Тулеева Фатима Набидуллақызы;

• «Әйелдердің құқықтарын қорғау саласындағы үздік ҮЕҰ» номинациясы бойынша – Ольга Владимировна Рыль.