Үкiмет үш облыстағы су тасқынына қарсы шараларды талқылады

Ақтөбе, Атырау және Қызылорда облыстарындағы су тасқыны жағдайына ерекше көңіл бөлу қажет.

Қазақстан Республикасы Премьер-Министрінің бірінші орынбасары Роман Склярдың төрағалығымен аталған облыс әкімдері орынбасарларының қатысуымен өткен кеңесте Ақтөбе, Атырау және Қызылорда облыстарындағы су тасқыны жағдайына ден қою шаралары талқыланды.

Жиын барысында атап өтілгендей, 7 наурызда ауа температурасының күрт көтерілуіне, қардың еруіне және жаңбыр түріндегі жауын-шашынның көп түсуіне байланысты Ақтөбе, Атырау және Қызылорда облыстарында облыстық және аудандық маңызы бар жолдарда су тасқыны орын алған.

Әкімдіктер жол төсемін нығайту, суды жайылымдар мен алқаптарға бұру бойынша жедел түрде қажетті шараларды қабылдады. Ол үшін ТЖД қызметінің күштері мен құралдары жұмылдырылды.

Қазір ол жерлерге тәулік бойы күзететін адамдар қойылған.  Елді мекендерді су басу қаупі жоқ.

Басқа өңірлердегі су тасқыны жағдайы да үкіметтің бақылауында.