Үкімет елдің кейбір бизнес активтерін мемлекетке қайтарады

Еліміздің үкіметі темір жол инфрақұрылымының бір бөлігін, кейбір ЖЭО және мұнай өңдеу зауыттарымен байланысты кәсіпорындарды мемлекет меншігіне қайтарғысы келеді.

Үкіметте ел экономикасын монополиясыздандыру мәселесі талқыланды. Атап айтқанда, теміржол инфрақұрылымының, жылу-энергетика кешенінің, сондай-ақ мұнай өңдеу зауыттарының қызметіне қатысты бірқатар кәсіпорындардың жекелеген активтерін мемлекет меншігіне беру мәселесі талқыланды.

Премьер-Министрдің баспасөз қызметі нақтылағандай, өзекті тақырыпты талқылау қорытындысы бойынша Әлихан Смайылов «комиссия қабылдаған шешімдерді жүзеге асыру үшін барлық қажетті құқықтық және ұйымдастырушылық шараларды әзірлеуді» тапсырды.