Үй зомагерлері  көше сыпырып, 25 күнге қамалады - ҚР ІІМ

Қазақстанда тұрмыстық зорлық-зомбылық үшін жаза қатайтылды. Бұл туралы 3 қыркүйекте өткен үкімет отырысында ҚР Ішкі істер министрлігінің басшысы Марат Ахметжанов толығырақ айтып берді.

Алғашқы қамауға алудың төменгі шегі бес тәулікке дейін, ал қайталап жасалған құқық бұзушылық үшін 25 тәулікке дейін көтерілді. Тұрмыстық құқық бұзушылықтарды тіркеудің жаңа қағидаты енгізіледі. Алайда оның қалай жұмыс істейтінін түсіндірілмеді.

— Бұл полицияға жәбірленушілердің шағымынсыз – тұрмыстық зорлық-зомбылық фактісі бойынша әкімшілік құқық бұзушылық туралы істерді қозғауға мүмкіндік береді. Бұл жағдайда соңғы құқықтық бағаны сот береді. Бұл шара жазаның бұлтартпау принципін қамтамасыз етеді, - деді министр.

Сондай-ақ құқық бұзушылық қайталанған жағдайда сотта татуласу мүмкіндігін алып тастау жоспарлануда. Бұл, министрдің пікірінше, төбелескіштердің жәбірленушілерге психологиялық қысым көрсетудегі зұлым тәжірибесін тоқтатуға мүмкіндік береді. Әкімшілік ескертуді қоғамдық жұмыстарға ауыстыру ұсынылып отыр.

— Жазаның бұл түрі әлеуетті бұзушыларды өз мінез-құлқын бақылауға итермелейді, - деп қосты Ахметжанов.

Сондай-ақ, бұзақылар қоғамға да пайдасын тигізетін болады, деп атап өтті ІІМ басшысы.