Қудалауға ұшырағандар үшін «Қаңтар» орталығы құрылды

Қазақстанның барлық аймақтарында қайғылы қаңтар оқиғасының құрбандары мен зардап шеккендерге көмектесетін «Қаңтар» құқықтық қолдау орталығы құрылып жатыр. Орталық мамандары қаңтардағы оқиға туралы келіп түскен ақпараттарды жүйелейтін болады.

«Қаңтар» құқықтық қолдау орталығының қызметтері:

• азаматтар мен кез-келген қоғамдық ұйымдардан келіп түскен қаңтар оқиғасы
  салдарынан қаза тапқандар мен хабарсыз кеткендер туралы ақпаратты жүйелеуге
  септеседі;
• қаза болғандардың туыстарына, бейбіт наразылық шерулеріне қатысқаны үшін
  қудалау нәтижесінде қылмыстық жауапкершілікке заңсыз тартылғандарға, азаптау мен
  басқа да адам құқықтарын бұзу салдарынан зардап шеккендерге білікті заңгерлік көмек
  беру шарасын ұйымдастыруға септеседі.

Байланыс телефондары:
+7-777-036-9222;
+7-777-036-9555

Қаңтар …

Қазақстанда алғашында халықтық бейбіт толқу ретінде басталып, соңы әлдебір арандатушы-бүлікші топтың араласуымен дүрбелең-топалаңға, атысқа ұласқан қаңтар айының басындағы оқиғаларда мыңдаған адам зардап шегіп, бірнеше жүздеген адам опат болды. Ақорда мұны «сырттан ұйымдасқан террорлық басқыншылық», «билікті басып алу» деп атады. Десе де көптеген халықаралық және отандық сарапшылар «билік кландары арасындағы астыртын тартыс» деп бағалап үлгерді.

Одан бері әлеуметтік желілерде бейбіт наразылардың, тіпті еш қатысы жоқ азамттардың күштік құрылымдар тарапынан қатты қысым көріп, заңсыз қудаланып жатқаны туралы ақпарат көп таралып жатыр. Халықаралық қауымдастық билікті әділ тергеуге және адам құқықтарын қалтқысыз сақтауға шақырып келеді. Қазір Маңғыстау жұрты тәрізді президент Тоқаевтан «республика көлеміндегі қудалауды тоқтатуды» талап еткендер күн санап артып жатыр.