«ҰБТ тапсыруға трактормен барған». Вице-министр БҚО-дағы оқиға туралы мәлімдеме жасады

Күні кеше әлеуметтік желіде оқушылардың ҰБТ тапсыруға трактормен бара жатқан видеосы тараған болатын. Ол жағдайға қатысты ғылым және жоғары білім вице-министрі Дархан Ахмед-Заки пікір білдірді, деп хабарлайды Orda.kz порталы.

Оның сөзінше, бейнежазбадағы оқиғаға қатысты тиісті іс-шара қолданылды.

«Әрине, мен бұл бейнежазбаны көрдім. Жауапты тұлғалар жазасын алды. ҰБТ аясында тест тапсыру жүйесін жергілікті атқарушы органдар, жалпы біздің тестілеу орталығы қамтамасыз етуі тиіс. Наурыз айының қорытындысы бойынша Ұлттық бірыңғай тестілеуді 117 мыңнан астам түлек тапсырды», - деп атап өтті ол.