ҰБТ тапсыру ережесі өзгерді

ҚР Ғылым және білім министрі ҰБТ-да қандай өзгерістер болатынын айтты, деп хабарлайды Orda.kz порталы.

Нақтырақ айтқанда тағы екі ереже қосылды.

Қазақ тілін В1 (орта) деңгейінен төмен емес деңгейде меңгергенін растайтын ҚАЗТЕСТ сертификаты бар түлектер қалауы бойынша бейіндік пәнді немесе "Қазақ тілі" арнайы пәнін тапсырудан босатылады. Бұған қарамастан білім беру гранты конкурсына қатыса алады немесе балдарды аудару шкаласына сәйкес ақылы негізде ЖЖОКБҰ-ға қабылданады;

Назарбаев Зияткерлік мектептері дербес білім беру ұйымының білім беру бағдарламалары бойынша оқуды аяқтаған түлектерге ҰБТ сертификаттары Назарбаев Зияткерлік мектептері түлектерінің оқу нәтижелерін сырттай бағалау балдарын ҰБТ сертификатының балдарына ауыстыру арқылы беріледі.

Бұл ереже  сәуірге дейін талқыға түсетін болады.