ҰБТ-да шекті балл жинаған түлек аппеляцияға шағым түсірді

Маңғыстауда Ұлттық бірыңғай тестілеудің аралық қорытындысы шығарылды.

Ең жоғары баллды Қарақия ауданындағы мектеп түлегі жинады, деп хабарлайды lada.kz. Айдос Батыржанұлы мүмкін болатын 140 ұпайдың 134-ін жинады.

«Облыс бойынша ең жоғары балл жинаған Қарақия ауданының оқушысы апелляциялық шағым түсірді. Жас жігіт максималды ұпайға қол жеткізу үшін нәтижелерді қайта тексертуге ниетті. Енді оның қорытындысы 30 күннен кейін дайын болады», - деді Маңғыстау облысының білім басқармасынан.

Қазақстан бойынша ҰБТ 16 мамыр мен 5 шілде аралығында өтеді. 2023 жылы тестілеуге 166 000-нан астам үміткер өтініш берді, оларға тестілеуден өтуге екі ресми әрекет берілді.