Қуат Хамитов ММА-ға қайта оралды

Жыл басында кәсіпқой мансабын аяқтайтынын мәлімдеген файтер Қуат Хамитов ойынан қайтып, үлкен спортқа қайта оралатынын айтты.

«Құрметті достар, мен ММА үлкен спорт түріне қайта оралғанымды ресми түрде жария еткім келеді! Қазір жаралымын, бірақ бұрынғы кездегідей тағы да күресуге дайынмын. Мен тағы бес жыл күресе аламын деп ойлаймын, сондықтан өзім үшін осындай қиын шешім қабылдадым. Оңай болмады… Қолдауларыңыз үшін барлығына тағы да алғыс айтқым келеді, біз қайтып келеміз!» деді ол өзінің Іnstagram парақшасында.

Оның жазбасына кезінде Хамитовты жеңген Мариф Пираев пікір жазды. Қазақстандық боксшы бұған дейін оны және оның лигасын бірнеше рет мазақ еткен. Пираев жаңа жекпе-жекті Алматыда өткізуді ұсынды.

Қуат Хамитов 34 жаста. 10 жыл бойы 30-дан астам жекпе-жек өткізген. Оның еншісінде 23 жеңіс, жеті жеңіліс және бір тең ойын бар.

Коронавирустық инфекцияның өршуі кезінде Найман дезинфекциялау құралдарына қарсы шығып, оларға қарсы үгіт насихат жүргізген. Файтер сот шешімімен кінәлі деп танылып, алты айға бас бостандығын шектеу жазасына кесілген.