«Уақыт келді деп шештім»: ҰБТ орталығының басшысы қызметінен кетті

Оның айтуынша, дәл қазір ұлттық орталықтың басшысы қызметінен кететін уақыт келді, деп хабарлайды Orda.kz порталы.

Руслан Емелбаев Ұлттық тестілеу орталығының басшысы қызметінен кетті.

«Екі жарым жыл әп-сәтте өтті де кетті. Бұл еңбек, сынақ, қуаныш және күрделі шешімдер уақыты болды. ҚР Ғылым және жоғары білім министрлігінің тапсырмалары барысында ҰТО командасымен бірге жоғары білімнің қолжетімділігін қамтамасыз етуде үлкен жолдан өттік. Біз ҰБТ тапсырмаларын жетілдіре бастадық және жүздеген мың жас балаға өз мақсаттарына жетуге – қалаған ЖОО-ға түсуге көмектестік. Мен бұл керемет және жауапты лауазымнан бас тартып, эстафетаны жаңа басшыға тапсыратын уақыт келді деп шештім. Ал өзіме жаңа мақсаттар қою керек» деп жазады ол. 

Еске сала кетейік Руслан Емелбаев 2021 жылдың қазан айынан бастап Ұлттық бірыңға тестілеу орталығының басшысы болып қызмет атқарды.