Уақыт белдеуі: шығыс өңірдегі тағы 2 аймақ жұмыс кестесін өзгертті

24 ақпаннан бастап Шығыс Қазақстан облысында Марқакөл және Үлкен Нарын аудандары жұмыс кестесін өзгертті, деп хабарлайды Orda.kz.

Енді тұрғындар жұмыс күнін 8:00-де бастап, 17:30-да аяқтайды. Ол уақыттың 12:00-13:30 аралығы түскі асқа есептеледі.

Әкімшіліктің айтуынша, күннің шығуы мен батуына байланысты және тұрғындар күндізгі уақытты тиімді пайдалану үшін жұмыс кестесі реттелді.

«Бұл шешім халықпен ақылдаса келе қабылданды. Бастаманы өңірлік басқармалардың басшыларынан тұратын мобильді топтың мамандары бағалады», – деп түсіндірді ШҚО Өңірлік коммуникациялар қызметі.