Уақыт ауысқанда дүниеге келген сәбилер

29 ақпаннан 1 наурызға қараған түнгі сағат 12-де Қазақстанда 803 сәби дүниеге келді, деп хабарлайды Orda.kz       

Уақыт белдеуі өзгеретін күні, яғни 29 ақпан түнгі сағат он екіге қарай (00.00) Қазақстанда 803 сәби дүниеге келді, оның ішінде екі егіз, 392 ұл және 411 қыз бала бар, деп мәлімдеді Денсаулық сақтау министрлігі.

Күнделікті туу көрсеткіші бойынша  көшбасшы 118 сәби дүниеге келген Түркістан облысы, одан кейін Алматы қаласы,  мұнда 81 жаңа туған нәресте  жарық дүние есігін ашса,  республика астанасында  79 сәби дүниеге келді.

2024 жылғы қыстың ең ұзақ соңғы күні дүниеге келген сәбилердің барлығының дені сау, аналарының жағдайы жақсы.