Қуаңшылық кезінде шаруаларға көмек қолын созған Құрмет Талапқазы үйлі болды

23 желтоқсан халықтың ұсынысына құлақ салған журналист Мақсат Толықбай жазда қуаңшылықтан зардап шеккен шаруаларға шөп орып, көмек қолын созған Құрмет Талапқазыға үй алып беру бастамасымен елден ақша жинады. Күні кеше жиналған ақшаға үй алып, халық оны Құрметке сыйға тартты.

Толықбайдың айтуынша, елден 9 млн теңге жиналған, енді 9 млн-ын «Асылтас» қоры қосқан.

«Еңбегімді бағалап жатқан қарапайым халыққа, ел ағаларына алғысымды айтамын» деп Құрмет Талапқазы алғыс айтты.

Еске салсақ, Тәуелсіздіктің 30 жылдығының қарсаңында Құрмет Талапқазы бірде-бір марапат алмағаны белгілі болған. Халық өз наразылығын білдірді. Араға біраз күн салып, ҚР Білім және ғылым министрлігі Асхат Аймағамбетов жазда бүкіл жұмысын тастап, халыққа көмектескен Құрметті университетке тегін оқуға орналастырған.

Артынша, «Адал» партиясы Құрмет Талапқазыға 2 млн теңгелік сертификатты сыйға тартқан.