Уәделерін орындамаған депутаттар мандатынан айрылады – Тоқаев

Бүгінгі жолдауында Қазақстан президент Қасым-Жомарт Тоқаев уәделерін орындамаған депутаттарды мандатсыз қалатынын айтты.

– Халық депутаттарды шынымен де білмейді. Сайлау алдындағы уәделерін орындамаған депутаттар мандатынан айрылады. Партияларды тіркеу процедуралары айтарлықтай жеңілдетіледі. Тіркеу шегін төрт есеге – 20-дан 5 мың адамға дейін төмендету керек. Аймақтық бөлімшелердің ең аз саны үш есе – 600-ден 200 адамға дейін қысқарады. Партия құру бойынша азаматтардың бастамашыл тобының ең аз саны шамамен үштен біріне, яғни 1000-нан 700 адамға дейін қысқарады, – деді мемлекет басшысы.

Қасым-Жомарт Тоқаев қаңтар оқиғасында саяси және экономикалық белсенділікті монополиялау ең маңызды рөл атқарғанын айтты.

– Бірақ қайғылы қаңтардың маңызды сабағы – биліктің мемлекеттегі ең жоғары шенеуніктің қолында шоғырлануы оған жақын адамдар мен қаржылық олигархиялық топтардың ықпалын негізсіз күшейтеді. Мемлекет басшысы барлық азаматтар үшін тең мүмкіндіктердің мызғымас кепілі болуға тиіс, сондықтан президенттің ең жақын туыстарының мемлекеттік саяси қызметшілер мен квазимемлекеттік сектордағы жетекші лауазымдарды атқаруына заңнамалық тыйым салынады, – деді Тоқаев.

Сонымен қатар, Тоқаев облыс және республикалық маңызы бар қалалардың әкімдерін тағайындау туралы заңға өзгеріс енгізуді ұсынды.

– Президенттің облыстардың және Республикалық маңызы бар қалалардың әкімдері қызметіне кемінде екі кандидат енгізу құқығын регламенттейтін заңнамаға тиісті түзетулер енгізу қажет. Осылайша, президент мәслихаттардағы қарау нәтижелерін ескере отырып, облыстардың және Республикалық маңызы бар қалалардың әкімдерін тағайындайтын болады, – деді президент.

Бұған дейін әкімдерді президент өзі тағайындайтын.