ТЖМ: Жамбылдағы жарылыстан қаза тапқандар саны он жеті адамға жетті

Тараз маңында оқ –дәрілер қоймасының  жарылуы салдарынан тағы бір өрт сөндіруші қаза тапты, деп хабарлайды Orda.kz.

Оның 10 -ы азаматтық қорғау органдарының қызметкерлері, 6 -ы Қорғаныс министрлігінің әскери қызметшілері және біреуі әскери прокурор.

— Бүгін Жамбыл облысында болған жарылыстан 1993 жылы туған өрт сөндіруші қайтыс болды. Бұған дейін ол Нұр-Сұлтан қаласындағы травматология және ортопедия ғылыми-зерттеу институтының ауруханасына жатқызылып, ем қабылдаған, -  деп хабарлады министрліктен.

Жоғалған тағы бір адамды іздеу жалғасуда. Еске салсақ, 26 тамызда Жамбыл облысы, Байзақ ауданында орналасқан әскери бөлімдегі қоймалардың бірінің жанында өрт шықты. Өрт салдарынан белгісіз заттардың жарылуы болды. Жарылыстардан кейін 93 адам ауруханаға жатқызылды.