ТЖМ: Алматы облысының таулы аймақтарында қар көшкіні жүруі мүмкін

[media=https://vk.com/video-29539204_456242645]Төтенше жағдайлар министрлігі су тасқыны кезеңіне дейін жүргізілген мониторинг жұмыстары туралы мәлімдеді, деп  хабарлады Orda.kz. 

Құтқарушылар Алматы облысының өзен арналарын әуеден тексерді. Олар тікұшақпен Талғар өзені алабынан Шелек өзені алабына (Іле және Күнгей Алатау жоталары) дейін ұшып жүріп, қарап шықты.

Төтенше жағдайлар министрлігінің мәліметінше, аэровизуалды тексеруден кейін анықталғаны төмендегідей:

Аталған  көлдер әлі де қысқы режимде. Ақпан және наурыз айларындағы бірқатар жер сілкіністерінен кейін тау басындағы көлдердің жағдайына кері әсер  белгілері байқалмайды. Көлдердегі су шекті деңгейден айтарлықтай төмен.

Елеулі көлемдегі жаңа қар көшкіндері жоқ.

Адамдар мен жабайы жануарлардың көшкін қаупі бар беткейлерді кесіп өтууіне байланысты биік таулы аймақтың әр жерінде қар көшкіні жүруі мүмкін.

Сел қаупі бар өзендердің арналары таза, өзен арналарында айтарлықтай кептеліс анықталған жоқ. Орта тауларда қар жамылғысының қалыпты еруі байқалады.

Орта және биік таулы аймақтарда айтарлықтай қар жиналған.

Шығыс Қазақстанда су тасқынына белсенді дайындық жүріп жатыр. Облыстың азаматтық қорғау қызметтері күшейтілген тәртіпте жұмыс істеуде. Құтқарушылар облыс тұрғындарын қызыл судың басу қаупіне дайындалуға шақырды.