Түтін тұмшалаған Алматы — Қанат Бейсекеевтің жаңа фильмі

Алматының үстін тұмшалап жатқан түтін  мәселесіне арналған жаңа деректі фильмнің тұсаукесері өтті, деп хабарлайды Orda.kz.

Фильмнің тұсаукесерін фильм режиссері Қанат Бейсекеев және Indrive негізін қалаушы Арсен Томский ұсынды. Қанаттың айтуы бойынша, фильм түсіруге Томскийдің хабарламасы түрткі болған. Айта кетейік, кәсіпкер 2023 жылдың сәуірінде Ресейден көшіп келіп, Қазақстан азаматтығын алды. 

«Мен қаланы тұмшалаған түтін туралы фильм түсіру әлдеқайда оңай болады деп ойладым, іс жүзінде олай болмай шықты, дегенмен бұл идеяны алғанымызға өте қуаныштымын. Мұның бәрі Арсен Томскиймен хат алмасуымыздан басталды. «Түтін басқан қалада өмір сүру Сіз үшін дұрыс па?» деген сұрағы мені есеңгіретіп тастады. Фильм мен сияқты түтін тұмшалаған қалада өмір сүруге үйреніп қалғандарға арналған, бірақ бұл, әрине дұрыс емес»,  дейді Қанат Бейсекеев.

Түсірілім осы жылдың ақпанында басталып, 9 айдың ішінде сарапшыларды, белсенділерді, қала тұрғындарын  қамтыды.  

«Алматылықтардың басқа жаққа көшу туралы ойларының елеулі себептері бар. Алматы ауасымен тыныстау, жылына 487 темекі шегумен бірдей», дейді сарапшы Жұлдыз Сәулебекова.

Қаланың жоғарғы бөлігінің тұрғындары салыстырмалы түрде таза ауамен дем алса, төменгі бөлігінде жағдай әлдеқайда нашар. Бұл фильм Алматы тұрғындарына ғана арналмаған, өйткені сапасыз ауа еліміздің басқа аймақтары үшін де өзекті мәселе. 

Сарапшылардың айтуынша, мемлекет үшін басты құндылық адам болып, адамдарды бірінші сатыға қоймайынша, бұл мәселе шешілмейді.

«Мен осы қалаға жұртшылық көптеп келіп, шығармашылықпен айналысып, өмір сүрсе деген тілегім бар. Бұл менің ұстанымым.  Алматыдан қашып кетпей, Алматыға көшіп келетіндей жасайық. Алматының әлемдегі ең үздік қала болуға  мүмкіндігі зор», дейді режиссер.

Еске сала кетейік,  Өскеменде де дәл осындай жағдай, ол жақта да халық умен тыныстап, қатерлі ісіктен ажал құшып жатыр. Лайықты өмір сүруге тиіспіз деген тұрғындар жақында митингіге шықққан болатын.