Түсік тастаған әйел жайлы дәрігерлердің көзқарасын денсаулық сақтау басқармасы түсіндірді

Астана қаласының Қоғамдық денсаулық сақтау басқармасы №2 қалалық көпбейінді ауруханада түсік тастаған науқасқа қатысты жағдайға түсініктеме берді, деп хабарлайды Orda.kz.

Оқиға туралы алғашқы болып әлеуметтік желіде палатадағы көршісі хабарлады. Оның айтуынша, жүкті әйелге көмектесетін дәрігерді іздеп таба алмағанына бір жарым сағат болған. Ал бөлім меңгерушісі демалыста болған. Жазба авторы денсаулық сақтау министрлігінің жедел желісіне және басқа да қалалық қызметтерге қоңырау шалғанын растайтын скриншоттарды жариялады.

«Ол қансырап жатты, жылады, көмек сұрап жалынды. Іші қатты ауырды, түсік тастау қаупі болды. Бірақ дәрігерлер тек 1 сағат 45 минуттан кейін ғана келді. Әйелдер тіпті ауруханада да өзін қауіпсіз сезіне алмайды. Біз мұнда емделуге, өмірімізді сақтауға келеміз, балаларымыздан айырылу үшін емес» деп жазды оқиға куәгері.

Басқарма таратқан мәліметке сәйкес, науқас  жүктіліктің ерте  үзілу қаупі бар деп гинекология бөліміне жатқызылған.

«Стационарға түскеннен кейін ол бекітілген емханалық хаттамаларға толық сәйкес түрде қажетті ем қабылдап, медициналық бақылауда болды. Алайда жеткілікті терапияға қарамастан, жүктілік үзілдә» деп жазылған ресми мәлімдемеде.

Ведомство бұл науқастың бесінші жүктілігі екенін нақтылап, бұл жағдай ұрықтың жатыр ішінде шетінеуі ретінде саналмайтынын атап өтті. Себебі эмбрион әл дамудың ерте кезеңінде болған.

Сондай-ақ басқарма оқиға кезінде гинекология бөлімінде 40 науқас жатқанын хабарлады:

«Олардың әрқайсысын кезекші медицина қызметкер үздіксіз бақылауы қажет болды» деп жазылған басқарма мәлімдемесінде.