Түрмедегі екі мыңнан астам әйел бостандыққа шығуы мүмкін

Сотталған әйелдерге рақымшылық жасау күн сайын 5,8 миллион теңге, ал жылына 2,1 миллиард теңге бюджет қаражатын үнемдеуге мүмкіндік береді, деп хабарлайды Orda.kz.

Ішкі істер министрлігі бюджетті үнемдеу үшін екі мыңнан астам сотталған әйелге рақымшылық жасау бастамасын қолдады.

«Қазақстан Республикасының Ішкі істер министрлігі, сотталған әйелдерге рақымшылық қолдану мүмкіндігі туралы депутаттық сұрауды қарастырып, келесіні хабарлайды. Мұндай рақымшылық актісін қолдану ұсынысы концептуалды қолдауға ие.  Осылайша, екі мыңнан астам сотталғандарды босату бюджетті күніне 5,8 млн теңгеге дейін үнемдеуге мүмкіндік береді (бір сотталғанға жалпы шығын күніне 2,9 мың теңге, сәйкесінше жылына 2,1 млрд теңге)» деп жазылған Ішкі істер министрі Ержан Саденовтің депутат Қарақат Әбденнің сұрауына берген жауапта.

Ішкі істер министрлігінің мәліметінше, қазіргі таңда Қазақстанда қылмыстық құқық бұзушылықтар үшін жазасын өтеп жатқан 6399 әйел бар, олардың 2692-сі қылмыстық-атқару мекемелерінде, ал 3707-сі пробациялық бақылауда.

Рақымшылық қолданылған жағдайда:

• кіші және орташа ауырлықтағы қылмыстары үшін сотталған 1220 әйел жазадан босатылуы мүмкін.
• ауыр және аса ауыр қылмыс жасаған 5055 әйелдің жазасы қысқартылуы мүмкін.

Министрлік сондай-ақ сотталғандардың әлеуметтік жағдайын да ескеруді ұсынды: олардың арасында 29 мүгедек әйел, 60 жастан асқан 243 әйел, 13 жүкті әйел, 58 кішкентай балалары бар әйелдер және 226 көпбалалы ана бар.

«Сотталушылардың арасында өтелмеген талаптары бар әйелдерге (3910) жазаны жұмсарту арқылы түрмеден босатуды қарастыру қажет»,   деді министр.

Сондай-ақ министрлік ықтимал қауіптерді атап өтті, соның ішінде жәбірленушілер арасында наразылық туындауы мүмкін және рақымшылықпен босатылғандардың қылмысты қайталау қаупі жоғары.

«Ешкім де жынысы бойынша қандай да бір кемсітушілікке ұшырамауы тиіс. Әлеуметтік тұрғыдан осал топқа жататын сотталған ер адамдардың саны 920 адам (I және II топтағы мүгедектер, ҰОМ қатысушыларымен теңестірілгендер, мүгедек бала тәрбиелеп отырғандар, зейнеткерлер, толық емес отбасылар)»,  деп қосты Сәденов.