Түркістандағы колледж жатақханасында дау шықты

Түркістан облысындағы колледж жатақханасында студент қыздарды жігіттердің бөлмесін тазалауға мәжбүрлеген, деп хабарлайды Orda.kz.

Әлеуметтік желіде Түркістан облысы білім басқармасына қарасты көпсалалы индустриалды-техникалық колледж жатақханасында тұратын студент қыздарға жатақхана қызметкері тарапынан қысым жасалды деген видео тарады. Бейнежазбада қыздар студент жігіттердің бөлмесін тазалаудан бас тартып, жатақхана қызметкерлерімен дауласып жатқанын көруге болады.

Студенттердің айтуынша, оларды ер балалар тұратын бөлмелерді жинауға, еден жуып, дәретханаларды тазалауға мәжбүрлеген. Бас тартқан жағдайда жатақханадан шығару немесе жуынатын орынды пайдалануға шектеумен қорқытқанын айтады.

Ал Түркістан облысының білім басқармасы жағдайды түсінбеушілікпен байланыстырып, тексеру нәтижесі бойынша жауаптыларға құқықтық баға берілетінін айтты.

«Колледжде 1072 студент оқиды, оның 80-і жатақханада тұрады. 2026 жылғы 23–25 ақпанда өтетін облыстық спартакиадаға байланысты қатысушыларды уақытша орналастыру қажет болды. Осыған орай тәрбиеші мен вахта қызметкерлері бос бөлмелерді ретке келтіруге студенттерден ауызша көмек сұраған. Ер балалар уақытша болмағандықтан өтініш қыздарға айтылған. Соның салдарынан кейбір білім алушылар арасында түсінбеушілік туындады», — деп жауап берді білім басқарамасы.

Артынша, тексеріс қорытындысы бойынша жауапты тұлғалардың әрекетіне құқықтық баға беріліп, тиісті шешім қабылданады

«Тексеру қорытындысы бойынша жауапты тұлғаларға сөгіс түрінде тәртіптік жаза қолданылды. Студенттермен және олардың ата-аналарымен түсіндіру жұмыстары жүргізілуде», — деп мәлімдеді комитет», — деп мәлімдеді комитет. 

Оқи отырыңыз:

• Түркістан халықаралық әуежайына 14,3 млн теңге айыппұл салынды
• Түркістанда сау әйелін психиатриялық стационарға күштеп жатқызған ер адам достарымен бірге сотталды
• Түркістанда 15 жастағы қыздың ішінен 1 келі шаш шықты