Түркістанда екі баласын тұншықтырып өлтірген ананың психикалық ауытқуы бар-жоғы анықталды

Түркістанда екі баласын тұншықтырып өлтірген ананың психикалық ауытқуы бар-жоғы айтылды, деп хабарлайды Orda.kz порталы.

Бұл туралы ІІМ Әкімшілік полиция комитетінің ерекше тапсырмалар жөніндегі аға инспекторы – Ақмарал Серікбаева жауап берді.

«Қазіргі уақытта бұл оқиға бойынша қылмыстық іс қозғалып, министрлік тарапынан қатаң бақылауға алынды. Заңға сәйкес, қылмыстық іс бойынша мәліметтер әзірше құпия, айтуға болмайды. Бұл отбасында бұрын тұрмыстық зорлық-зомбылықтың болған-болмағаны қылмыстық істі тергеу аясында тексеріліп, анықталатын болады. Бір айта кетерлік жайт, аталған отбасынан Қызылорда және Түркістан облыстарында  тұрғанда ішкі істер органдарына ешқандай шағым түспеген. Бірақ, әйелдер отбасында зорлық-зомбылыққа көніп, арыз бермей жүруі де мүмкін. Сондықтан оның бәрі қылмыстық істі тергеу барысында тексеріліп, қорытындысы шығарылады», - деді ол Орталық коммуникациялар қызметіндегі дөңгелек үстел барысында.

Серікбаеваның айтуы бойынша, қылмыстық істерді тергеу барысында мұндай жайттардың бәрі соңына дейін тыңғылықты қаралады.

«Мұндай қылмыстық істердің қорытындысында көбіне отбасылық қиыншылықтардың себеп болғаны анықталады. Сонымен қатар қылмысты жасаған адам мінезінің психикалық ауытқулары да себеп болады», - деді ол.