Түркістанда анасы мен қызын өлтірген күдікті ұсталды

Түркістан облысы Амангелді ауылында анасы мен қызын өлтірді деп күдікке ілінген ер адам ұсталды, деп хабарлайды Orda.kz.

«Түркістан облысының тұрғыны мен оның кәмелетке толмаған қызын өлтіру фактісі бойынша қылмыстық іс қозғалды. Күдікті ізін суытпай ұсталып, уақытша ұстау изоляторына қамалды. Қазіргі уақытта болған оқиғаның барлық мән-жайларын анықтау мақсатында қажетті жедел-тергеу іс-шаралары жүргізілуде»,  деп мәлімдеді облыстық полиция.

Сонымен қатар, полиция департаменті «күдіктінің мұғалім болғанын және 16 жастағы қызды өлтірмес бұрын зорлаған» деген ақпаратты жоққа шығарып отыр.

Айта кетейік, әлеуметтік желіде Түркістан облысы Амангелді ауылында 30 жастағы ер адам 16 жастағы қыз бала мен оның анасын кірпішпен ұрып өлтірді деген сұмдық ақпарат тараған болатын.