Түркістанда 8-сынып оқушысын зорлаған ер адам Өзбекстан азаматы болып шықты

Түркістан облысында 8-сынып оқушысын зорлап, ақырында жүкті еткен 37 жастағы ер адам Өзбекстан азаматы екені анықталды, деп хабарлайды Orda.kz.

 ZTB NEWS telegram-арнасының мәліметінше, Өзбекстанның 37 жастағы азаматы 8-сынып оқушысын зорлады деген күдікпен қамауға алынды. Айта кетейік, анасы қыздың жүкті екенін жеті айлығында ғана білген. Алайда, күдіктінің туыстары бұл айыптауларды мүлде жоққа шығарып отыр. 

Жәбірленуші қыздың анасының айтуынша, қызының тез өсіп келе жатқан ішін байқамайынша, ол ұзақ уақыт бойы ештеңеден күдіктенбеген. Ауруханада қыздың жүкті екені белгілі болды.

«Тексеруге барсақ, жүкті екенін айтты. Мен осылай білдім. Қызым, "Анашым, сіз жоқта ол мені зорлады. Зорлық жасады, мына Азат" деді. Кейін қызыма "Айтсаң сені пышақтаймын, керек болса сені өлтіремін" деп қорқытқан» ,– деді қыздың анасы.

Айта кетейік, осыған дейін Түркістан облысы Келес ауданында болған 14 жастағы қыздың зорлық көріп, жүкті болғаны мәлім болды.