Түркістанда 19 жастағы қыз анасына бауырын беріп өмірін сақтап қалды

Түркістан облысында алғаш рет бауыр трансплантациясы жасалды. Анасының өмірін сақтап қалу үшін 19 жастағы қыз донор болды, деп хабарлайды Orda.kz. 

48 жастағы Ульяна Нұрметова бауыр циррозымен ауырған. Оны құтқарудың жалғыз мүмкіндігі трансплантация болды. Оның қызы донор болып, анасының өмірін сақтап қалды. Бұл аймақ тарихындағы алғашқы ота болды.

Отаны ұлттық ғылыми хирургия орталығының мамандары жүргізді. Денсаулық сақтау министрлігі отаның сәтті болғанын, отадан кейінгі кезең жақсы өтіп жатқанын және трансплантацияланған органның қызметі біртіндеп тұрақталғанын хабарлады.