Түркістанда 15 жастағы қыз 71 жастағы туысынан бала көтерді

Түркістан облысының Келес ауданында 15 жастағы қызға азғындық жасады деген күдікпен 71 жастағы ер адам ұсталды, деп хабарлайды Orda.kz.

Жасөспірімге қорлық көрсетті деп айыпталған ер адамның қыздың туысқан атасы екені анықталды. Туысынан қорлық көрді деген жасөспірім биыл ақпан айында босаныпты. Оқушы жағдайды ешкімге тіс жарып айтпаған. Жақындары жағдайды жүктілігінің жеті айында бір-ақ білдік дейді. Күдікті көрші үйде тұратын жетпіс жастан асқан туысы. Немере бағып отырған қария өз кінәсін толық мойындаған. 

 Полиция қазір бұл іске қатысты қылмыстық іс қозғап, тергеуді бастады.

«Келес ауданында кәмелетке толмаған қызға қатысты жасалған заңға қайшы әрекет бойынша қылмыстық іс қозғалды. Күдікті ұсталып уақытша ұстау изоляторына қамалды. Барлық мән-жайды анықтау шаралары жасалып, тергеу жүргізіліп жатыр. Тергеу нәтижиесімен қажетті шара қолданылады», деп мәлімдеді полиция департаменті.

Еске сала кетсек, Ақтөбе облысында 14 жастағы оқушы қыз босанған еді.