Түркістан облысының алты тұрғыны 10 миллион теңгенің малын ұрлады деп айыпталуда

Алты адамнан тұратын топ шамамен 10 миллион теңгенің малын ұрлады деген күдікке ілінді. Олар тергеу бойынша, сенімді қалыптасқан арқылы бойынша жұмыс істеген.

Күдіктілерге облыстың Қазығұрт және Төлеби аудандарында мал ұрлығына қатысы бар деген айып тағылуда. Ұсталғандардың алтауы Түркістан облысы мен Шымкент қаласының тұрғындары.

«Анықталғандай, күдіктілер мал иелері мен бақташылардың жоқтығын пайдаланып, жайылымдағы малды ұрлап, «Газель» автокөлігіне тиеп кеткен. Содан олар ұрланған малды Сайрам ауданында сатып, түскен пайданы өзара бөлісіп алған. Қазіргі таңда олардың бес мал ұрлығына қатыстылығы дәлелденді. Барлығы 30-дан астам бас мал ұрланып, 10 миллион теңгеге жуық шығын келтірілді», – деді Түркістан облысы ІІД бастығының орынбасары Құрманбек Сахов

Олардың қылмысқа қатыстылығының айғағы ретінде тәртіп сақшылары «Газель» автокөлігін, ұялы телефондарды және бес сиырды тәркіледі. Күдіктілер уақытша ұстау изоляторына қамалды.

Аталған факті бойынша ҚР Қылмыстық кодексінің 188-1 бабы «Мал ұрлығы» бойынша сотқа дейінгі тергеу амалдары жүргізілуде. Күдіктілердің осыған ұқсас басқа да мал ұрлығына қатыстылығы анықталуда.