Түркістан облысындағы шаруа қожалығының басшысы газ ұрлығы үшін сотталды

Құркелес ауылындағы «Қызыл ту» жылыжай шаруашылығының басшысы газ ұрлағаны үшін кінәлі деп танылды, деп хабарлайды Orda.kz.

Шаруа қожалығының басшысына шыққан үкім туралы «ҚазТрансГаз Аймақ» АҚ баспасөз қызметі хабарлады

Газ ұрлығы 2023 жылдың қаңтарында анықталды. Кәсіпкер магистральдық желіге заңсыз газ құбырын қосқан. Осылайша жылыжайларға газды заңсыз беріп, жылу ақысын төлемеген. Ақпан айында полиция күдіктіні халықаралық іздеуге салған. Алайда кейінірек олар оны қолға түсірді.

Сарыағаш аудандық соты кәсіпкерді аса ірі көлемде ұрлық жасағаны үшін кінәлі деп тапты. Сотталушы шартты түрде бес жылға бас бостандығынан айырылды. Ол «ҚазТрансГаз Аймақ» АҚ-на келтірілген материалдық шығынды өтеп берді.