Түркістан облысында жол апатынан үш адам қаза тапты

Түркістан облысында жол апаты салдарынан үш адам қаза тапты, деп хабарлайды Orda.kz. 

Өңірлік полиция департаментінің баспасөз қызметі Қазығұрт – Жібек жолы тас жолында екі автокөлік соқтығысқанын мәлімдеді.

Оқиға орнында үш адам қаза тапты. Тағы бірнеше зардап шеккен адам түрлі жарақаттармен ауруханаға жеткізілді.

Құқық қорғау органдары оқиғаның мән-жайын анықтау үшін сотқа дейінгі тергеп-тексеру жұмыстарын бастады.

Айта кетейік, Павлодарда мердігерді қорқытып, ақша бопсалаған ҚТЖ-ның екі қызметкері 7 жылға сотталды.