Түркістан облысында жаңа асфальт төселген күннің ертеңіне-ақ жарылып кеткен

Сарыағаш қаласында көлік жүргізушілері жаңа асфальттың қалай жарылғанын видеоға түсіріп алып, таратты, деп хабарлайды Orda.kz порталы Otyrar сайтына сілтеме жасап.

Тұрғындар мердігерлер жұмысының сапасына наразы. Алайда «ҚазАвтоЖол» компаниясы мердігерлердің асфальтты толығымен ауыстырып, барлық ақауларды жойып қойғанын хабарлады.

Түсірілім скриншоты otyrar.kz

29 қыркүйекте «ҚазАвтоЖол» мамандары А-15 жолының жөндеу жұмыстары жүргізіліп жатқан бөлігіндегі ақауларды анықтады. Мердігер компанияға олқылықтарды тез арада жою тапсырылды. Асфальт ауыстырылды және компанияға зертханалардан сапа кепілдігі туралы шешім берілді.

Мердігер де стандарттарды сақтамағаны үшін айыппұл төлеуі керек. Айналма жолдың жоқтығынан учаскедегі жұмыстар қиын болыпты. Ал бұл жол арқылы күніне 20 мыңнан астам жеңіл көлік өтеді, оның 3 мыңы жүк көліктері.