Түркістан облысында шенеуніктер жоқ жұмыссыздарды жұмысқа орналастырды

Түркістан облысына қарасты ауылдардың бірінде жұмыспен қамту орталығы мен әкімдік қызметкерлері облыстық прокуратурадан түскен мәлімет бойынша бюджет ақшасын жымқырған.

Олар іс жүзінде ешқандай қоғамдық жұмыс атқармаған жұмыссыздарды жұмысқа орналастырдық деп қаражат алды.

Облыстық прокуратураның мәліметінше, Жетісай ауданындағы Атамекен ауылында шенеуніктер жұмыссыздарды жалған жұмысқа орналастырып, жастарды қоғамдық жұмыстарға тартып отырған. Тексере келе, 30-дан астам адам бір жерде білмей «жұмыс істеген» болып шықты. Сонымен қатар, шенеуніктер жақындарына «жұмыс берді». Осы схеманың арқасында мемлекеттік қызметкерлер 24 миллион теңгеден астам қаржыны жымқырған.

«Лауазымды тұлғалар жұмысқа қабылдау туралы заңсыз бұйрықтар шығарып, ай сайын «Қазпошта» АҚ және банктердегі есепшоттарына жалақыларын өз бетінше аударып отырған. Содан кейін бұл қаражатты басқалар ақшаға айналдырды. Орталық пен әкімдік қызметкерлері өздерінің туыстары мен таныстарын қоғамдық жұмыстарға тартқанын құжаттаған» деп хабарлады прокуратура.

Прокурорлық тергеу материалдары сотқа дейінгі тергеп-тексеру үшін Антикорға жіберілді.

Бұған дейін Шымкентте жоқ балалар үшін төлемақы алып, бюджет ақшасын жымқырған екі жекеменшік балабақша меңгерушілерін Шымкент соты нақты жазаға кескен болатын.