Түркістан облысында педофил 20 жылға бас бостандығынан айырылды

Түркістан облысында педофил 20 жылға бас бостандығынан айырылды.

«30 қазандағы сот үкімімен сотталушы «Кәмелетке толмағанға қатысты сексуалдық сипаттағы зорлық-зомбылық әрекеттері» бабы бойынша кінәлі деп танылды. Сот оны 20 жылға қауіпсіздігі орташа түзеу колониясында өтеуге үкім етті. Сондай-ақ оған өмір бойына педагогикалық қызметпен айналысу және кәмелетке толмағандармен жұмыс істемеу құқығынан айыру түріндегі қосымша жаза тағайындалды», -  деді облыстық соттың баспасөз хатшысы Әсет Серікбаев.

Сотталушы 22 жаста, жәбірленуші қыз бес жаста. Зорлау факті алты ай бұрын болған.

БАҚ өкілдерінің хабарлауынша, осы кезде әкесі аулада көлігін жөндеп жатқан, қызын үйіне жіберген. Кіре берісте жан түршігерлік оқиға болған. Бала сыртқа шығып, болған жағдайды отбасына айтады. Жергілікті тұрғындар полицияны күтпей, педофилді соққыға жықты. Олар оны тәртіп сақшылары келгенше ұстап, ұрып-соққан.

Сотталушы сол күні оған шайтан кіргенін айтып, өз кінәсін мойындады.