Түркістан облысында оқушыларға қысым көрсеткен мұғалімнің видеосы тарады

Әлеуметтік желіде ұлттық киімді шешкізіп, оқушыларға қысым көрсеткен мұғалімнің видеосы тарады, деп хабарлайды Orda.kz порталы.

Видеода оқушы қыз сыныптастарының көзінше оған буллинг жасалғанын айтады.

«Жаңа дәптер баста дейді екен күнде. Кеше ғана бастадым ғой, қайта-қайта арнай беремін бе десе, «мына қыздың дәптерге ақшасы жоқ екен, бәрің жабылып ақша жинап беріңдер» деп төмендетеді екен, дейді видеоға түсірген ұстаз.

Ол мұғалімнен оқушының киіміне тиісіп кикілжің шығармауды өтінеді.

Білім министрі бұл мәселені шешу үшін Түркістан облысының білім басқармасы мен білім беру саласындағы сапаны қамтамасыз ету басқармасы өкілдерінен тұратын арнайы комиссия құрылғанын хабарлады.

«Тексеру нәтижесі бойынша Қазақстан Республикасының қолданыстағы заңнамасы аясында тиісті шаралар қабылданатын болады. Мектеп оқушысы  қажетті психологиялық қолдау алды. Бұл оқиға ҚР Білім министрлігі мен жергілікті атқарушы органдардың бақылауында», - деп түсіндірді ҚР Парламенті Мәжілісінің баспасөз хатшысы Мереке Амангелдіқызы.