Түркістан облысында мектеп оқушылары мен мұғалімдер жаппай уланып қалды

Түркістан облысы Сарыағаш ауданында мектеп оқушылары мен мұғалімдер уланып қалды. 29 бала және 10 мұғалім өзін жайсыз сезініп, жедел жәрдем қызметімен ауруханаға жеткізілген. 

«Дүйсенбіде оқушылар мен мұғалімдер мектепке келгеннен кейін өздерін жайсыз сезініп, мектеп медбикесі алғашқы көмек көрсеткен. Жедел жәрдем шақырып, 29 бала, 10 мұғалімді ауруханаға тексеруге алып кетті. Ауруханаға алып кеткен 29 оқушы, сегіз мұғалімнің жағдайы бірқалыпты болғаннан кейін бәрі үйіне қайтарылды. Қалған екі ұстаз ауруханада», - деп хабарлады білім басқармасы. 

Мектеп оқушылары осы жайттан кейін алдағы үш күн қашықтан оқитын болды. 

Аудандық прокуратура тексеріс жұмыстарын жүргізіп жатыр. Мектеп директорына және оның жауапты орынбасарларына тиісті шара қолданылады.