Түркістан облысында малшы өзгенің малын сатып жіберген

Түркістан облысында өзіне сеніп тапсырылған малды сатып жіберген малшыға қатысты қылмыстық іс қозғалды. 

Түлкібас аудандық полиция бөліміне жергілікті тұрғын арыз түсірген. Ер адамның айтуынша, ауыл сыртында мал бағатын малшыға малын сеніп тапсырған.

Алайда оның сеніп тапсырған үш жылқысын жымқырып кеткен. Күдікті жәбірленуші азаматқа 2 млн теңге шығын келтірген. Полицейлер аталған фактіні ҚР ҚК-нің 189-бабы (Сенiп тапсырылған бөтен мүлiктi иемденiп алу немесе талан-таражға салу) бойынша тіркеді.

Тәртіп сақшыларының жедел-іздестіру іс-шараларын жүргізу барысында 44 жастағы ер адамды жеткізіп, одан жауап алды. Белгілі болғандай, күдікті ер адам жылқыларды 2 миллион теңгеге сатып, ақшаны өзінің бас пайдасы үшін жаратқан. Қазіргі таңда оған қатысты сотқа дейінгі тергеп-тексеру амалдары жүргізіліп жатыр.