Түркістан облысында мал шаруашылығының халықаралық көрмесі өтті

Түркістанда қойлардың етті және құйрықты түрлерінің V халықаралық көрмесі өтті. Turkistan show arena-да өткен көрмеге Ресей, Қырғызстан, Өзбекстан, Тәжікстан, Ингушетия, Моңғолия, Молдова, сондай-ақ Қазақстан өңірлерінің 200-ге жуық азаматы қатысты, деп хабарлайды Orda.kz.       

Ашылу салтанатына облыс әкімінің орынбасары Ертай Алтаев қатысты. Ол шараны ұйымдастырушылар мен мал басын өсіріп отырған мамандарға алғыс айтып, оларға сәттілік тіледі.

«Қой шаруашылығы - қазақ халқының негізгі шаруашылығының бірі. Біздегі мал шаруашылығында жылқы мен қойға ерекше көңіл бөлінеді. Қазақ халқының қой бағудың, оларды көбейтудің және асыл тұқым өсірудің өз әдістері бар. Біздің облысымызда асыл тұқымды қой басының үлесі 13% немесе 581 мыңнан астам мал басы бар. Өңірде асыл тұқымды қой өсіретін 850 агроқұрылым жұмыс істейді. Соңғы 10 жылда мал шаруашылығында санына емес, сапасына көбірек көңіл бөлінуде. Қазір мал өсіру, дәстүрлі мал бағу тәсілінен қазіргі заманғы түрлеріне көшу, шаруашылықтардың табысы мен әлеуетін арттыру мәселелері өзекті», - деді облыс әкімінің орынбасары, көрші мемлекеттермен өзара ынтымақтастықтың нығая түсетініне және жергілікті шаруалардың бірегей тәжірибе жинайтынына сенім білдіре отырып.

Алтаев сондай-ақ асыл тұқымды қой шаруашылығын одан әрі дамыту қажеттігін атап өтті.

Іс-шара шеңберінде қойлар үшін салмақ пен бойының биіктігі, сондай-ақ сыртқы түрлері бойынша конкурс өтті.

Жеңімпаздар 45 номинация бойынша анықталды. Қазылар алқасының шешімімен жеңіске жеткендерге мотоцикл, теледидар, тоңазытқыш және де басқа жүлделер табыс етілді. Жалпы жүлде қоры 30 мың доллар болды.

Көрмеге алғаш рет Гиннесстің рекордтар кітабына енгізілген «Байсары» асыл тұқымды қойы қойылды. Ол түр-тұрпатымен ерекшеленді. Аталған тұқымның ең ірі қошқарының салмағы 231келі.

Айта кетейік, Түркістан облысының мал шаруашылығы саласы елімізде көш бастап тұр. Өңірге республикадағы ірі қара мал басының 12% -ы (970,1 мың бас), қойлардың 23% -ы (4 135 мың), жылқылардың 11% -ы (430,7 мың), түйе 15% -ы (41 мың), сондай-ақ ет өнімі 12% -ы (245,8 мың тонна), сүттің 13% -ы (447 мың тонна) тиесілі.

Республикада экспортталатын ірі қара мал етінің 80% -ы және қой етінің 75% -ы Түркістан облысына тиесілі.