Түркістан облысында бірнеше күн іздестірілген суға батып кеткен қыздың денесі табылды

Түркістан облысының Сайрам ауданында Машат өзеніне батып кеткен қыз баланың денесі оқиға орнынан жеті шақырым төмен жерден табылды, деп хабарлайды Orda.kz ҚР ТЖМ-не сілтеме жасап.

Қайғылы оқиға 31 наурыз күні кешкі сағат алты шамасында болған. Алдын ала мәлімет бойынша, 2024 жылы туған қыз бала өзен жағасында ойнап жүріп, суға құлап кеткен.

Іздеу жұмыстары бірнеше күн бойы жүргізілді. 4 сәуір күні ТЖД жедел-құтқару жасағы қызметкерлері Машат өзенінен, бір жарым метр тереңдіктен баланың денесін тапты.

Ақтөбе облысында 29 наурыз күні Мәртөк ауданының Сарыжар ауылында жоғалып кеткен 10 жастағы Мансұр Саматовты іздеу жұмыстары жалғасып жатыр.

Түркістан облысында 23 наурыз күні сегіз жастағы бала Келес өзеніне құлап, суға кеткен. Оны да әлі күнге дейін іздестіріп жатыр.

Оқи отырыңыз:

• Түркістан облысында жалған айғақ беруге азғырған адвокат сотталды
• Түркістан облысында жоғалған сегіз жасар бала төртінші күн табылар емес
• Түркістан облысында сталкинг бойынша алты іс сотқа жолданды