Алматыда жеке клиникада сүндетке отырған бала ауруханаға түсті

Алматыда бес жасар бала жеке клиникада жасалған сүндеттеу рәсімінен кейін тіндердің некрозымен ауруханаға түсті. Ата-анасы асқынулар операция кезінде жіберілген қателіктерден болған деп санайды, алайда хирург бұл айыптауларды мойындамайды, деп хабарлайды Orda.kz.

Ал процедура жүргізілген медициналық мекеме қазірдің өзінде жұмысын тоқтатқанын КТК телеарнасы хабарлады.

Бейсеновтер отбасының айтуынша, осы оқиғадан кейін соңғы жарты жылда олар үнемі ауруханаға жүгінуге мәжбүр болған. Баланың әкесінің сөзінше, бәрі қаладағы жеке клиникалардың бірінде жасалған жоспарлы сүндеттеу отас\сынан кейін басталған.

Оның айтуынша, дәрігер операция бір сағаттан аз уақыт алады және жеңіл наркозбен жүргізіледі деп сендірген. Ата-анасы бұл шарттарға келіскен, себебі бес жасар Омарға аутизм диагнозы қойылған, сол себепті ол көктамырға салынатын инъекцияларды ауыр қабылдайды.

Операциядан кейін бала үйіне жіберілген, алайда әкесі оның қолында ине іздерін байқаған. Дәрігер бірнеше күн бойы таңуға келіп тұруды ұсынған.

Үш күннен кейін, туыстарының айтуынша, баланың жағдайы күрт нашарлаған — жыныс мүшесінің басы қарайып кеткен. Бала шұғыл түрде ауруханаға жатқызылып, дәрігерлер тін некрозын анықтап, операция жасаған. Қазір, туыстарының айтуынша, балада зәр шығару да қиын соғып отыр.

Ата-анасы асқынулар операция барысында жіберілген қателік салдары деп есептейді. Олар медициналық және фармацевтикалық бақылау комитеті департаментіне шағым түсіріп, хирургты жауапкершілікке тартуды талап еткен.

Алайда дәрігер бұл айыптауларды жоққа шығарды. Оның айтуынша, егер асқыну операция немесе анестезия кезіндегі қателіктерден болса, ол алғашқы тәулікте-ақ байқалар еді. Сондай-ақ ол баланың анасының айтуынша, үйде марганцовка ерітіндісі қолданылған, бұл тіндердің жағдайына әсер етуі мүмкін екен.

Қазіргі уақытта медициналық және фармацевтикалық бақылау комитеті тексеру жүргізіп, болған жағдайға баға беруі тиіс. Ал баланың ата-анасы ота жасалған клиника қазірдің өзінде жабылып қалғанын айтады.

Оқи отырыңыз:

• Түркістан облысында жалған айғақ беруге азғырған адвокат сотталды
• Опырылған Кеген-Нарынқол күре жолының жағдайы қандай?
• Миллион оқырманы бар қытайлық блогерге Тоқаев атынан «Достық» ордені табысталды